يا مشتاقين للطريق
يا
عرقانين الدموع
بكره
الحصاد بالجموع
يا
عطشانين للصديق
بكره
الغريق
يخرج
من جوه الضلوع
يخرج
يجوع للربوع
يخرج
يجوع للخضوع
يخرج
ويهدي الخطاوي للسكك
ترتاح
قلوبنا علي الدكك
ونشم
ريحة العنب
ونقطف
عناقيد العنب
وترجع
الكرمة للكرام
ويشفينا
الكلام
ويهدينا
الحمام للسكك
في
سكة عطشانة
وفي
سكة بردانة
وفي
سكة حيرانة
وسكة
تايهة بين السكك
ويقودنا
الحمام للسكك
نفتح
من البطون أنهار
تزرف
العيون أمطار
وتقرب
الأمتار وتتوحد
وتقرب
الأمتار وتتشدد
وتتغير
الأمتار وتتجدد
وتتوحد
حدود الكون وتتحدد
وتكتر
شباك الصيادين
بالجناين
والجنين
وتكتر
شباك الصيادين
من
الشمال .. ومن الجنوب
من
أي طين
من
كل طعم …
ولون…
وفي قلب الزنازين
تزيل
شباك الصيادين الجراح
تزرع
صباح …
تحصد براح
وتتلم
الطيور في السطوح …
تصرخ …
تبوح
علي
سر الشفاء من الجروح
علي
سر مخبياه أرض الزمن
علي
سر مالي البدن
علي
سر ضد الشجن
علي
سر خايف يبوح …
ينسجن
لكن
السر ينتصر .. وخوفه ينسجن
وتخرج
البشاير من قلب قضبان العتم
من
قلب ياما انكتم
من
فجر ياما اتحكم
بركان
حقيقة حاسب كمان التمن
ما
خايف القتل .. قتل البدن
مؤمن
أن سره ماسك .. لجام الزمن
ليست هناك تعليقات:
إرسال تعليق